पालीच्या गणपतीची आरती!

पाषाणभेदने रचलेली ही पालीच्या बल्लाळेश्वराची आरती त्याच्या विनंतीवरून मी गायलेली आहे....पारंपारिक चाल असल्यामुळे माझे असे ह्यात काहीही योगदान नाहीये.

जयदेव जयदेव जय पालीश्वरा हो, देवा बल्लाळा
आरती ओवाळीतो  तुजला बल्लाळा
जयदेव जयदेव || ध्रु ||

देऊळ मोठे तुझे चौसोपी दगडी
असे आत मुर्ती शेंदरी उघडी
समोर घंटा भव्य खांब लाकडी
वर्णावया  रुप, बुद्धी तोकडी || १ ||


देवा तुझा निवास 'पाली’च्या गावी
तुझ्या दर्शनाने  दृष्टी सुखावी
मोदकांचा नैवेद्य मी तुजला दावी
कृपा भक्तांवर नियमीत असावी || २ ||


पौराणीक, ऐतिहासीक तव ग्राम असे
मंदिर सुंदर मागे सरसगड वसे
वर्णन म्या पामर करू तव कैसे
सच्चा एक मुढ वंदन करीतसे || ३ ||


कवी: पाषाणभेद(दगडफोड्या)

आरती इथे ऐका

आरती गुरुदत्ताची!

पाषाणभेद ह्याने लिहिलेल्या हा गुरुदत्तांच्या आरतीची चाल ऐका.

आर्त विनवणी करू गुरूदत्ताची
ब्रह्मा विष्णू महेशाची
आर्त विनवणी करू गुरूदत्ताची ||ध्रू||

ब्रह्मदेव सृष्टी रचितो
श्रीविष्णू पालन करितो
महेश संहार करी, पुनर्निर्मितीसाठी
आर्त विनवणी करू गुरूदत्ताची ||१||

शंख चक्र कमंडलू धरीले हाती
खांद्यावरी झोळी, भस्म असे माथी
देवा दत्ता भिक्षा घ्या गरीबाघरची
आर्त विनवणी करू गुरूदत्ताची ||२||

जटाजूट घन केशसंभार
रुद्राक्षमाळा गळाभरोनी
गोश्वानासह त्रैमुर्ती अवतरली
आर्त विनवणी करू गुरूदत्ताची ||३||

कवी: सचिन बोरसे उर्फ पाषाणभेद (दगडफोड्या)

चाल इथे ऐका

विठ्ठल उभा विटेवरी!

पाषाणभेद ह्या टोपण नावाने कविता लिहिणार्‍या सचिन बोरसेचा  हा छानसा  अभंग वाचून मला जी चाल स्फुरली ती ऐका.


विठ्ठल उभा विटेवरी
भक्ताचीये वाट पाही ||धृ||

पुंडलीक दावी भक्तां मार्ग
कर्म करता सुखवी भोग
भोळा भाव नको आव
न भूले बाह्यस्वरूप ||१||

नामजप करता विठ्ठल
अवघे हरपले भान
कोण विठ्ठल कोण भक्त
दोन्ही ब्रह्मस्वरूप ||२||

कवी: पाषाणभेद

चाल इथे ऐका.