जयश्रीची ही नवी गजल वाचली आणि त्यातल्या मला आवडलेल्या काही निवडक द्विपदींचा समावेश करून त्यांना लावलेली चाल ध्वनिमुद्रित केली. ऐकून सांगा कशी वाटते.
नको आणखी
फुलणे नव्याने नको आणखी
उमलून मिटणे नको आणखी
घायाळ व्हावे पुन्हा मीच का
इष्कात झुरणे नको आणखी
गंधात न्हालो तुझ्या साजणी
निशिगंध चाफे नको आणखी
येणे तुझे क्षणभराचेच का
पेटून विझणे नको आणखी
नजरेत जरबी कट्‌यारी तुझ्या
बंदी, पहारे नको आणखी
धुंदी चढावी सुरांनी तुझ्या
कुठले बहकणे नको आणखी
जगतोच आहे तुझ्याही विना
आधार फसवे नको आणखी
जवळीक नाही अताशा कुठे
जखडून घेणे नको आणखी
कवयित्री: जयश्री अंबासकर
याची सदस्यत्व घ्या:
टिप्पणी पोस्ट करा (Atom)
-
गंगाधर मुट्यांच्या ह्या भारताच्या तिरंगी ध्वजाबद्दलच्या काव्यबद्ध भावना वाचून मलाही उचंबळून आले आणि त्यातच ही चाल सुचली...ऐकून सांगा..कशी ...
-
व्यवसायाने ज्योतिषी असणारे धोंडोपंत आपटे हे महाजालावरचे एक अष्टपैलू व्यक्तिमत्व आहे. कविता,गजल आणि गद्य लेखन ह्या तिन्ही प्रकारात त्यांचा ह...
-
रेमी डिसोजा हे नाव मला तसे नवीन असले तरीही महाजालावर पक्के मुरलेले हे व्यक्तीमत्व दिसतंय. मराठी आणि इंग्रजीमधून ह्यांनी गद्य आणि पद्य लेखन ख...
६ टिप्पण्या:
काका, चाल सुरूवातीला चांगली लागली होती मात्र, ’गंधात न्हालो तुझ्या साजणी...’ पासून थोडी निराळी झाली आहे असं वाटतं. थोडी नाट्यगीतासारखी झाली आहे चाल.
धन्यवाद कांचन.
>>>थोडी नाट्यगीतासारखी झाली आहे चाल.
माझा नैसर्गिक कल रागदारीकडे असल्याने कितीही टाळायचा प्रयत्न केला तरी हे असं होतंच. :)
म्हणतात ना...आदतसे मजबूर..तसेच काहीसे.
देवकाका.शुक्रिया !! माझ्या अजून एका कवितेला हा सन्मान दिल्याबद्दल.
चाल छान जमलीये. कांचन म्हणतेय ते बरोबर आहे....!! शेवटलं कडवं सगळ्यात जास्त आवडलं !
धन्यवाद जयश्री.
वेळ चांगला जातो. तुमचा आवाज कमावलेला आहे.
धन्यवाद प्रकाशजी.
टिप्पणी पोस्ट करा