सुस्वागतम्! नमस्कार मंडळी! "त्यांची कविता माझे गाणे" हा एक एक नवीन प्रयोग आपल्यासमोर सादर करत आहे.महाजालावरील काही कवी/कवयित्रींच्या कविता मला आवडल्या आणि मी त्यांना माझ्या कुवतीप्रमाणे चाली लावून माझ्याच आवाजात ध्वनीमुद्रित केलेल्या आहेत. या इथे तुम्हाला मूळ कविता वाचता येतील आणि त्याच बरोबर त्यांच्या चालीही ऐकता येतील. आपण इथे आल्याबद्दल मन:पूर्वक धन्यवाद! आपल्याकडून स्पष्ट आणि परखड मतांची अपेक्षा आहे ज्यामुळे मला इथे सुधारणा करता येतील. आपल्या मार्गदर्शनाचा फायदा घेण्यास मी उत्सुक आहे.
मी लावलेल्या चाली जर कुणाला वापराव्याश्या वाटल्या तर त्या कुणीही खुशाल वापरू शकतं...त्यासाठी माझ्या परवानगीची गरज नाही...
मात्र, इथल्या कविता वापरायच्या असतील तर संबंधित कवी/कवयित्रींची वैयक्तिक परवानगी घ्यावी लागेल हे कृपया लक्षात असू द्या ! अन्यथा ती चोरी ठरेल.

रविवार, ७ ऑगस्ट, २०११

हाण त्याच्या टाळक्यात: नागपुरी तडका


ऊठ मर्दा ऊठ
आवळून घे मूठ
हाण त्याच्या टाळक्यात
पायामधला बूट

सत्तेपुढे शहाणपण
जेव्हा व्यर्थ जाते
माणुसकीचे लचके तोडून
लाचखोर खाते
पौरुषाच्या नशेचे, तेव्हा लाव दोन घूट
अन्
हाण त्याच्या टाळक्यात, पायामधला बूट

अन्यायाची सीमा जेव्हा
मर्यादेला लांघते
तुझे हक्क तुडवून
तिरडीवर बांधते
शेपटी तेव्हा खाली नको, वाघासारखा ऊठ
अन्
हाण त्याच्या टाळक्यात, पायामधला बूट

पोशिंद्याच्या छाताडावर
हरामींच्या मौजा
तेव्हा राज्य करतात
लुटारूंच्या फौजा
सत्ता आणि दलालांची, कर ताटातूट
अन्
हाण त्याच्या टाळक्यात, पायामधला बूट

माय तुझी बैलावाणी
राबराबून मेली
गल्लीमध्ये मुळं अन्
दिल्लीमध्ये वेली
अभयाने शोध घे, कोणी केली लूट
अन्
हाण त्याच्या टाळक्यात, पायामधला बूट


ह्या गीताला मला अशी चाल सुचली.

१८ टिप्पण्या:

Baliraja म्हणाले...

Are Waa ! Joshpurna

Anil Sonawane

मी अत्त्यानंद म्हणाले...

धन्यवाद अनिल.

सुहास म्हणाले...

लई भारी काका :) :)

मी अत्त्यानंद म्हणाले...

धन्यवाद सुहास!

प्रशांत म्हणाले...

छान जमलीये चाल. मस्त.

दिलीप बिरुटे म्हणाले...

गायन लैच जोषपूर्ण झालंय.

मी अत्त्यानंद म्हणाले...

धन्यवाद बिरुटेसाहेब आणि प्रशांत!

अनामित म्हणाले...

बरेच महीन्यांच्या कालावधीनंतर कान बरे झाले असल्याने, आज पुन्हा जखम करुन घ्यायला आलो. तर चक्क गाणे ऐकून गुदगुल्या झाल्या बरे!! लै भारी!!

;-)

मी अत्त्यानंद म्हणाले...

साक्षात, तुम्ही गाणं ऐकलंत म्हणजे बहुदा सूर्य पश्चिमेला उगवला असणार. सहजराव! ;)

vivek म्हणाले...

मस्त हाणलंय बुवा. एकदम मर्दानी झाली आहे चाल. लगे रहो !!!!

मी अत्त्यानंद म्हणाले...

धन्यवाद पंडितजी!

Gangadhar Mute म्हणाले...

जबरदस्त झाली प्रमोददा.

मी अत्त्यानंद म्हणाले...

धन्यवाद मुटेसाहेब.
चाल तुमच्या काव्यातच आहे..मी फक्त ती लोकांसमोर मांडली..इतकंच! :)

श्रेया म्हणाले...

१५ ऑगस्ट जवळ येतेय म्हणून हा जोश ? पण नाही खरोखरच काव्यालाच चाल आहे. काव्य आणि चाल हातात हात घालून आली आहेत. काका, लई झ्याक !

मी अत्त्यानंद म्हणाले...

धन्यवाद श्रेया!
पण एखादा तरूण आवाज मिळाला असता तर गाणं अजून भारी झालं असतं.

Gangadhar Mute म्हणाले...

प्रमोददा,
सध्या आपली तरुणाई कमर लचकवत प्रेमगीते गाण्या-नाचण्यात दंग आहेत. त्यांना फ़ुरसत मिळेतोवर तुम्हीच चालू द्या. :)

महेश सावंत म्हणाले...

लई भारी काका

मी अत्त्यानंद म्हणाले...

धन्यवाद महेश!