उमेश कोठीकरच्या ह्या गुलाबी ’धुंदी’ला लावलेली ही चाल ऐका.(चाल क्रमांक १०१)
नव्या वर्षातली ही माझी पहिलीच चाल आहे.
डंखता मग ओठ ओठी
मी गुलाबी नाहतो
पाहतो मग, पाहतो जे
ते गुलाबी पाहतो
तू अशी अन मोगरा हा
आग गंधित लावतो
धावतो मग देह सारा
रिक्त होण्या धावतो
धुंदते लावण्य जेंव्हा
स्वर्ग देही पाहतो
दाहतो मग ओठ होण्या
देह माझा दाहतो
तो शहारा तृप्त अन
अतृप्त मी का वागतो?
मागतो मग मी पहाटे
तो शहारा मागतो
धुंदीचा हा दंश ताजा
नित्य हृदयी वाहतो
राहतो तुझ्यात काही
अंश माझा राहतो
कवी: उमेश कोठीकर
चाल इथे ऐका.
कोणत्याही टिप्पण्या नाहीत:
टिप्पणी पोस्ट करा