सुस्वागतम्! नमस्कार मंडळी! "त्यांची कविता माझे गाणे" हा एक एक नवीन प्रयोग आपल्यासमोर सादर करत आहे.महाजालावरील काही कवी/कवयित्रींच्या कविता मला आवडल्या आणि मी त्यांना माझ्या कुवतीप्रमाणे चाली लावून माझ्याच आवाजात ध्वनीमुद्रित केलेल्या आहेत. या इथे तुम्हाला मूळ कविता वाचता येतील आणि त्याच बरोबर त्यांच्या चालीही ऐकता येतील. आपण इथे आल्याबद्दल मन:पूर्वक धन्यवाद! आपल्याकडून स्पष्ट आणि परखड मतांची अपेक्षा आहे ज्यामुळे मला इथे सुधारणा करता येतील. आपल्या मार्गदर्शनाचा फायदा घेण्यास मी उत्सुक आहे.
मी लावलेल्या चाली जर कुणाला वापराव्याश्या वाटल्या तर त्या कुणीही खुशाल वापरू शकतं...त्यासाठी माझ्या परवानगीची गरज नाही...
मात्र, इथल्या कविता वापरायच्या असतील तर संबंधित कवी/कवयित्रींची वैयक्तिक परवानगी घ्यावी लागेल हे कृपया लक्षात असू द्या ! अन्यथा ती चोरी ठरेल.

बुधवार, ९ जुलै, २०१४

मनी विठ्ठलाचे स्मरण करोनी ...


मनी विठ्ठलाचे स्मरण करोनी
चंद्रभागेमध्ये स्नान करावे ..

'पांडुरंग' 'विठ्ठल' नित्य स्मरोनी
तल्लीनतेने विठूला भजावे ..

वारकऱ्यासंगे पायी चालोनी
वारीत हाती ध्वजासी धरावे ..

वारीमधे सारे उच्चनीच विसरोनी
देवळात जातीभेद दूर हरावे ..

वीणा चिपळ्यासी हाती धरोनी
टाळ मृदंगांचे नाद करावे ..

अभंग नि ओव्या मुखात गावोनी
समाधान शांतीस मनात भरावे ..

'ज्ञानोबा तुकाराम' आदरे म्हणोनी
भजन कीर्तन आनंदे करावे ..

'विठ्ठल' 'विठ्ठल' 'रामकृष्णहारी'नी
अवघे जीवन व्यापुनी उरावे ..


कवी:.विजयकुमार देशपांडे


1 टिप्पणी:

विदेश म्हणाले...

मस्त तल्लीन झालो होतो !