सुस्वागतम्! नमस्कार मंडळी! "त्यांची कविता माझे गाणे" हा एक एक नवीन प्रयोग आपल्यासमोर सादर करत आहे.महाजालावरील काही कवी/कवयित्रींच्या कविता मला आवडल्या आणि मी त्यांना माझ्या कुवतीप्रमाणे चाली लावून माझ्याच आवाजात ध्वनीमुद्रित केलेल्या आहेत. या इथे तुम्हाला मूळ कविता वाचता येतील आणि त्याच बरोबर त्यांच्या चालीही ऐकता येतील. आपण इथे आल्याबद्दल मन:पूर्वक धन्यवाद! आपल्याकडून स्पष्ट आणि परखड मतांची अपेक्षा आहे ज्यामुळे मला इथे सुधारणा करता येतील. आपल्या मार्गदर्शनाचा फायदा घेण्यास मी उत्सुक आहे.
मी लावलेल्या चाली जर कुणाला वापराव्याश्या वाटल्या तर त्या कुणीही खुशाल वापरू शकतं...त्यासाठी माझ्या परवानगीची गरज नाही...
मात्र, इथल्या कविता वापरायच्या असतील तर संबंधित कवी/कवयित्रींची वैयक्तिक परवानगी घ्यावी लागेल हे कृपया लक्षात असू द्या ! अन्यथा ती चोरी ठरेल.

मंगळवार, ३ जानेवारी, २०१२

आम्ही मराठी मराठी!

भाग्यविधाते देशाचे आम्ही मराठी मराठी
भाग्य असे आमचे हो आम्ही मराठी मराठी

भक्तिरसात भिजवी वीररसात चेतवी
श्रृंगाररसात रमवी करुणरसात आर्तवी
नवरसात न्हाहवी ग्रन्थ संपदा मराठी
भाग्य असे आमुचे हो आम्ही मराठी मराठी

मुकुंद रायांची मराठी , ज्ञाना तुकयाची मराठी
चक्रधरांची मराठी , नामा जनाईची मराठी
दास तुकड्याची मराठी,सकल संतांची मराठी
भाग्य असे आमचे हो, आम्ही मराठी मराठी

शिवरायांची मराठी, लोकमान्यांची मराठी
भिमरावांची मराठी , शाहू फुल्यांची मराठी
बहिणाआईची मराठी, रामानंदांची मराठी
भाग्य असे आमचे हो आम्ही मराठी मराठी

कवी: सुनील जोशी

ही कविता वाचून मला सुचलेली चाल ऐका.



कोणत्याही टिप्पण्‍या नाहीत: