डॉक्टर कैलास गायकवाड ह्यांची ही सुंदर गजल वाचून जी चाल सुचली ती आपल्यासमोर सादर करत आहे...सोईसाठी फक्त चारच द्विपदी घेतलेल्या आहेत.
वाटतो जरी प्रसन्न मी वरुन,
दु:ख साचलेय आत भरभरुन
झाकले उघड कसे करायचे?
ठेवले बरेच आज आवरुन
जिंकली असंख्य सौख्यसाधने
डाव जीवनात सारखे हरुन
धूम अश्व दौडतो मनातला
मी तसाच बांधतो पुन्हा धरुन
पोहणे न ज्ञात जाहले मला
जीवनात मी तरी असे तरुन
शुष्क भावना......... तरी तुझ्या सवे,
घाम का फुटे उगाच दरदरुन?
गंध काय आज जाणले जरी,
दु:ख जाहले फुलास कुस्करुन
काळ यायची अवेळ जाहली
वाट पाहतो स्वतःस सावरुन
कवी: डॉ.कैलास गायकवाड
चाल इथे ऐका.
कोणत्याही टिप्पण्या नाहीत:
टिप्पणी पोस्ट करा